Një gojëdhënë e vjetër thotë se dikur ky fshat ishte i mbuluar nga uji, i cili duke u pakësuar la pas lym e baltë që ndikoj në rritjen e kallamit të egër, bime kjo nga e cila mendohet se vjen edhe emir i fshatit Kallmet.
Kallmeti është një vendbanim i lashte. Gjetjet arkeologjike në të gjithë shtrirjen e fshatit tregojnë se ky është një vendbanim i hershëm. Edhe pas pushtimit romak popullsia vazhdoj të banojë këtu dhe krijoj kulturën e saj të veçantë. Këtë e dëshmon varreza mesjetare shek 6-8 e.s.).
Kallmetorët kanë kulturën e tyre, kristalizuan tiparet dalluese duke e bërë këtë fshat një njësi etnografike të veçantë në rrethin e Lezhës dhe krejt Shqipërinë. Dalluese është veçanërisht veshja e grave dhe e vajzave me rroba krejt të bardha (vazhduese e veshjes Ilire).
Kallmetorët janë bujq dhe vreshtarë të mire. Në këtë zonë gjendet varieteti i rrushit kallmet, fasulen me emrin kallmet dhe ullirin kokërr madh kallmet që përmendet në literaturën shkencore bujqësore. Në Kallmet janë ngritur monumente të kulturës si Kisha e Eufemise e shekullit XIII-të, një vend i shenjtë ku kryhet edhe pelingrinazh.
Kallmeti është vendi i verës dhe ullishtave. Është një qëndër e rëndësishme e turizmit në Lezhë. Kisha e Shën Eufemisë në fshatin Kallmet dhe Kishës së Shën Gjonit në fshatin Merqi (vendi u mbajt Kuvendi i Arbërit) janë itenerari kryesor i vizitorëve e turistëve. Objekte të tjera historike, kulturore e natyrore me interes për tu vizituar janë :
Ura “Plak Gjon”
Kisha “Zemra e Krishtit”
Kisha e Shën Gjinit.
Mullinjt e Vjeter të Kallmetit
Kroji i Kolecit
Pylli i Kishës Shën Eufemia
Shpella e Hutit
Ulli mbi 1500 vjeçar
Burgu i Hajdarit
