Artizanati

Lezha është një zonë e njohur për artizanatin. Ajo është trashëguar ndër breza dhe shprehet më së shumti në zonën e Zadrimës. Artizanati ndërtimor lidhet me prodhimin e tjegullave dhe pllakave prej balte, me poqerine vendase shumë të zhvilluar.

 

I madh është numri i amforave të zbuluara, disa prej të cilave kanë edhe vula në formë simbolesh apo monogramesh. Në disa amfora vula ka të rafiguruar lulen e shegës, simbol ky i njohur për amforat me prejardhje nga ishulli i Rodit. Një vulë e një amfore tjetër mban emrin ilir Gent dhe emrin tjeter po ilir Suri, pronar i punishteve vendase.

 

Familjet e zonës së Zadrimës kanë një traditë në prodhimin e produkteve të artizanatit dhe dekorimit për përdorim vetjak. Në Lezhë është ngritur një qendër artizanati e cila po tërheq vëmendjen e grave dhe vajzave që kurojnë punën e dorës.

 

Punimet në tezgjah, ato të realizuara me dorë dhe punimet qeramike janë një trashëgimi e Lezhës. Punimet e artizanëve të Lezhës janë përzgjedhur edhe nga Vatikani për veshjet e klerikëve të saj.

Related Posts